Шаруашылық жүргізу құқығындағы «Ғ.Сұлтанов атындағы Павлодар облыстық ауруханасы» коммуналдық мемлекттік кәсіпорын – Заңда белгіленген тәртіппен берілген лицензияға және бекітілген медициналық қызмет түрлеріне сәйкес Павлодар облысының тұрғындарына мамандандырылған және жоғары мамандандырылған медициналық көмек көрсететін көпсалалы мекеме.

Аурухана миссиясы: Мемлекеттік кепілдіктер бағдарламасы шеңберінде жаңа жоғары технологиялық жабдықтарды, емдеудің заманауи әдістерін қолдану есебінен халыққа қолжетімді сапалы мамандандырылған және жоғары мамандандырылған медициналық көмек көрсету.

Пайымдау: Азаматтардың әлеуметтік мәртебесіне, олардың табыс деңгейлеріне және тұрғылықты жеріне қарамастан облыс халқына мамандандырылған және жоғары мамандандырылған медициналық көмектің қолжетімділігі мен сабақтастығына қол жеткізу

Құндылықтар және этикалық принциптер:

Пациентке бағдарлану — бәсекеге қабілетті бағамен жоғары сапалы қызмет көрсету үшін әрбір жеке пациенттің қажеттіліктерін бағалау.

Құрмет — пациенттердің қадір-қасиеті мен жеке басын құрметтеу.

Тұтастық — жарияланған принциптер мен жоғары стандарттарды сақтау, пациенттермен қарым-қатынаста да, ұжымда да сенімділік пен адалдықтың жоғары деңгейін көрсету.

Алқалылық — үнемі өзін-өзі байқау және ынтымақтастық, сондай-ақ жауапкершілік паритеті мен жұмыс көлеміне негізделген сенім жүйесін құру.

Ашықтық — жеке және ұжымдық іс-әрекеттерде адалдық пен әдептілік принциптерін сақтау.

Кәсіпқойлық — өзінің барлық үздік білімін, мүмкіндіктері мен тәжірибесін пациент пен ұжымның игілігі үшін, өзара тиімді әріптестік негізінде жоғары нәтижеге қол жеткізуге бағыттау.

Аурухананың орналасқан жері: Павлодар қ., Салтыков-Щедрин көш., 63.

Аурухана тарихынан

Бірінші ғимараты 1905 жылы көпес Осиповпен құрылған, 20 төсек-орынға арналған аурухана болған, Абай көшесі, 293-те орналасқан.

1935 жылы ол Қалалық денсаулық сақтау бөлімінің қалалық ауруханасына айналды.

1949 жылы Павлодар облыстық ауруханасы ашылды. Құрылған жылы ауруханада терапевтік (34 төсек), хирургиялық (40 төсек), гинекологиялық (16 төсек), отоларингологиялық (15 төсек) бөлімшелер, психоизолятор (бөлімшенің 10 төсегі) болды. Аурухана құрамында рентген кабинет, физио кабинет, клиникалық зертхана, патологоанатомиялық бөлімше болды.

1947 жылы қараша айында ауыл тұрғындарына шұғыл көмек көрсету үшін санитарлық авиация станциясы ұйымдастырылды, санитарлық авиацияның бастығы Қазақ КСР еңбек сіңірген дәрігері Михельсон Иннокентий Владимирович болды.

1950 жылы облыстық аурухананың төсек қуаты үш қалалық аурухананы (инфекциялық, көз және психиатриялық) қосу арқылы 300 төсекке жеткізілді.

Облыстық аурухананың құрамына аурухана бөлімшесі құқығындағы жедел жәрдем станциясы кірді.

1950 жылы облыстық аурухананың төсек қуаты үш қалалық аурухананы (инфекциялық, көз және психиатриялық) қосу арқылы 300 төсекке жеткізілді.

Облыстық аурухананың құрамына аурухана бөлімшесі құқығындағы жедел жәрдем станциясы кірді.

1953 жылы облыстық аурухананың құрамына 40 төсектік бруцеллез ауруханасы кірді, ал 80 төсектік инфекциялық бөлімше жаңадан ұйымдастырылған инфекциялық ауруханаға бөлінді. 1964 жылдың 1 тамызынан бастап гинекологиялық бөлімше 40 төсекке дейін ұлғайтылды.

1974 жылы Салтыков — Щедрин көшесі, 63 мекен-жайында Павлодар облыстық ауруханасы үшін жаңа ғимарат салынды. Онда келесі бөлімшелер жұмыс атқарды: 40 төсек-орынды хирургиялық бөлімше, оның ішінде 10 проктологиялық төсек-орын, 25 төсек-орынды торакалды, 40 төсек-орынды травматологиялық, 40 төсек-орынды урологиялық, 40 төсек-орынды гинекологиялық, 40 төсек-орынды неврологиялық, 45 төсек-орынды №1 және №2 көз бөлімшесі, оның ішінде 15 бала төсек-орны,  40 төсек-орынды терапевтік, оның ішінде 7 гематологиялық, 10 эндокринологиялық, 40 төсек-орынды кардиоревматологиялық, 40 төсек-орынды төртінші терапевтік бөлімшелер, емханада жасөспірімдер кабинеті ашылды.

1993 жылы ҚР Министрлер Кабинетінің 1993 жылғы 18 маусымның № 511 қаулысымен Павлодар облыстық ауруханасына Қазақ КСР-нің еңбегі сіңген дәрігері Ғалым Сұлтановтың аты  берілді.  Соғыстан кейінгі 1946 жылы әскерден демобилизациядан кейін Ғалым Тәшімбайұлы Сұлтанов туған қаласына оралып, Павлодар облыстық ауруханасының терапия бөлімшесінің меңгерушісі болып тағайындалды. 1950 жылдың маусымынан бастап және 1972 жылға дейін Павлодар облыстық денсаулық сақтау бөлімінің бас терапевті болып жұмыс істеді. 1956 жылы терапевтік қызметті ұйымдастырғаны және облыстың денсаулық сақтау саласын дамытуға қосқан зор үлесі үшін Ғ.Сұлтановқа «Қазақ КСР еңбек сіңірген дәрігері» құрметті атағы берілді, 1957 жылы «Құрмет Белгісі» орденімен, 1961 жылы — Ленин орденімен, 1971 жылы — Октябрь Революциясы орденімен және көптеген медальдармен марапатталды.

Облыстық ауруханасында денсаулық сақтау саласының бір талай майталмандары жұмыс атқарды, олар: хирургтар — Петухов Константин Николаевич, Никандр Васильевич Кутмин, Анатолий Аверьянович Коваль, Григорий Григорьевич Шелегеда, Константин Константинович Николенко, Станислав Николаевич Ткаченко, кардиологтар — Владимир Андреевич Феллер, Марат Сейтімұлы Садықов, Макар Алексеевич Попов, невропатолог Владимир Иванович Свиридов, анестезиологтар — Павел Гдальевич Плинер, Петр Степанович Петрушкин, терапевтер — Роза Қапарқызы Асаинова, Владимир Иванович Жданкин, гематолог — Лариса Константиновна Большакова, окулистер — Гупалова Мария Даниловна, Асылханова Ж.З., отоларинголог — Владимир Григорьевич Потапенко, гинекологтар — Ольга Николаевна Сидорова, Зоя Федоровна Логачева,  Тамара Никифоровна Корниенко, инфекционист Г.М. Жаксылыкова. 

Көптеген керемет дәрігерлер жұмыс істеді, олардың көпшілігі денсаулық сақтау басқармасының бастықтары, бас дәрігерлер, жетекші мамандар болды. Олардың барлығы білім мен жинақталған тәжірибені Ғалым Сұлтанов атындағы облыстық аурухананың қабырғасында адал және жоғары кәсіби түрде жұмысын жалғастырып жатқан оқушыларға жеткізді. Олар дәрігерлердің талай буынын тәрбиеледі, олардың көпшілігі біздің ауруханада табысты жұмыс істеуді жалғастыруда. Олар Тулеубаев К.А., Амренова С.Т., Мигуля В.М., Топко Г.В., Сейсенбекова Ж.Б., Габдуллгазизова Д.С., Синяева Н.В., Косумбаева Ш.З., Смагулова З.М.

Ауруханасының бас дәрігерлері:

1. Петухов Константин Николаевич (1949 -1950), Гупалова Мария Даниловна (1950-1962гг.),;

2. Полфунтиков Валентин Кузьмич (1959-1962гг.), Солдатов Сергей Алексеевич (1963-1981гг.),;

3. Молчанов Николай Евгеньевич (1981-1996 гг.), Төлегенов Рунар Мубаракұлы (1996-1999 гг.),;

4. Сыздыков Серым Вахапович (1999- 2019 гг.);

5. Мұсабеков Арман Төлегенұлы — аурухана директоры (2020 ж.бастап)

Бас дәрігерлердің орынбасарлары:

1. Ситказинов К.С.- бас дәрігердің емхана жұмысы жөніндегі орынбасары (1975 — 1994);

2. Оразгалиев Б.Д. — бас дәрігердің емдеу-алдын алу жұмысы жөніндегі орынбасары (1981-1985);

3. Садвакасов Н.К. — бас дәрігердің емдеу-алдын алу жұмысы жөніндегі орынбасары (1985-1992);

4. Аубанова Г.К. — бас дәрігердің акушерлік-гинекология жөніндегі орынбасары (1993-1996 гг.);

5. Утебаев О.С. — бас дәрігердің емдеу-алдын алу жұмысы жөніндегі орынбасары (1992-1995);

6. Казангапов Д.М. – бас дәрігердің емдеу-алдын алу жұмысы жөніндегі орынбасары (1996-1998);

7. Қосымбаева Ш.З.- бас дәрігердің емдеу-алдын алу жұмысы жөніндегі орынбасары (2009-2021);

8. Таштемиров К.К.- медициналық бөліктері жөніндегі директор орынбасары ( 2021 ж. бастап)

Бөлімше меңгерушілері:

1. Лысенко С.П.- іріңді хирургия меңгерушісі (1955 ж.), урология бөлімшесінің меңгерушісі (1963 ж.), облыстың урологиялық қызметінің негізін қалаушы;

2. Сидорова О.Н. – онкологиялық бөлімше меңгерушісі (1957 ж.);

3. Гупалова М.Д. – офтальмология бөлімшесінің меңгерушісі (1962 -1973 ж.);

4. Лифенцева Н.М. – клиникалық зертхана меңгерушісі (1963 ж.);

5. Кутмин Н.В. – торакальды бөлімшесінің меңгерушісі (1965 ж.);

6. Феллер В.А. – кардиология бөлімшесінің меңгерушісі (1973 ж.);

7. Жданкин В.И.- терапия бөлімшесінің меңгерушісі (1980-1990 ж.);

8. Джумажанов С.Р. – санавиация меңгерушісі (1980-1990 ж.);

9. Мусабеков Т.К.- хирургия бөлімшесінің меңгерушісі (1995-2008 ж.);

10. Тулеубаев А. Г. — офтальмология бөлімшесінің меңгерушісі (1983 -2008 ж.);

11. Синяева Н.В.- физиотерапия бөлімшесінің меңгерушісі (1991-2024);

12. Сейсенбекова Ж.Б.- гематология бөлімшесінің меңгерушісі (1997ж. бастап — бүгінгі күнге дейін);

13. Смагулова Замзагуль Мадиевна — терапия бөлімшесінің меңгерушісі (2003ж. бастап бүгінгі күнге дейін);

14. Тлеубекова Р.Ш. — пренатальды диагностика орталығының меңгерушісі (2005-2017 ж.);

15. Курманова Г.К. – гинекологиялық бөлімше меңгерушісі (2006-2024 ж.);

16. Мусабеков А.Т.- хирургия бөлімшесінің меңгерушісі (2008-2019 ж.);

17. Тулеубаев К.А.- офтальмология бөлімшесінің меңгерушісі (2010 ж. – бүгінгі күнге дейін);

18. Амренова С.Т. — неврологиялық бөлімше меңгерушісі (2011- 2023);

19. Мигуля В.М. – кардиология бөлімшесінің меңгерушісі (2012ж. – бүгінгі күнге дейін);

20. Габдулгазизова Д.С.-рентгенология бөлімшесінің меңгерушісі (с 2000-2019 гг.)

1979 жылы қазанда қан және қан жүйесі патологиясы бар пациенттерге емдік көмек көрсететін Павлодар облысындағы жалғыз мамандандырылған бөлімше ашылды. 

2005 жылғы қарашадан бастап акушерлік-гинекологиялық корпус, Пренаталды диагностика орталығы ашылды. 2005 жылдан бастап хромосомалық патологияны ерте анықтау үшін кордоцентез сәтті жүргізілуде.  2011 жылы Қазақстанда алғашқы болып УДЗ диагностикасын жасауына «Voluson E8»  құрал-жабдығы алынды. І-триместрде хромосомдық патологияны ерте диагностикалау үшін «құрғақ дақ»  бойынша жаңа бағдарлама енгізілді.

2009 жылдың қаңтарынан бастап ауруханада Санитарлық авиация бөлімшесінде телемедицина орталығы жұмыс істей бастады. Облыстың алты ауданымен: Май, Шарбақты, Баянауыл, Лебяжі, Ертіс, Железин аудандарымен, сондай-ақ республиканың жетекші клиникаларымен консультациялар мен бейнеконференцбайланыс сеанстары өткізілді. Барлық телемедицина сеанстары негізінен науқастарды, ультрадыбыстық зерттеулерді, рентгендік суреттерді, электрокардиограммаларды көрсете отырып, нақты уақыт режимінде өткізілді. Күрделі аурулардың жағдайлары талданды, сол арқылы науқастардың облыс орталығына консультацияға бару және дәрігер-кеңесшіні шақыру қажеттілігі қысқарды.    

«Саламаты Қазақстан» Республикалық бағдарламасын және ауыл халқына медициналық көмектің қолжетімділігін кеңейту жөніндегі мемлекеттік саясатты іске асыру шеңберінде 2011 жылғы наурызда КАМАЗ автокөлігінің базасында жылжымалы медициналық кешен алынды. Ол негізінде терапевтік және хирургиялық бейінді 8 дәрігерлік кабинеттері мен рентгенологиялық қондырғылары, ультрадыбыстық зерттеу аппараты, зертхана, электрокардиографиямен жабдықталған жылжымалы емхана. Бұл кешеннің бригадасына облыстық ауруханасы мен  басқа медициналық мекемелердің жоғары білікті дәрігерлері енеді. Айта кетсек, бұл терапевт, педиатр, зертханашы, стоматологтар, ЛОР дәрігерлері, окулистер, УДЗ дәрігерлері, рентгенологтар мен хирургтер. Жылжымалы медициналық кешеннің басты мақсаты облысымыздың ең шалғай елді мекендерінің тұрғындарына білікті дәрігерлік көмекті жақындату. 

2010 жылдан бастап травматология бөлімшесінде алғаш рет Павлодар облысында жамбас буынын эндопротездеу бойынша операциялар, 2013 жылдан бастап тізе буынын эндопротездеу бойынша операциялар басталды.

2012 жылғы   маусымнан біздің аурухана базасында Амбулаториялық хирургия және гинекология орталығы ашылды, онда қалалық емхана дәрігерлерінің жолдаулары негізінде хирургиялық оталар жасалады. Амбулаториялық хирургия және гинекология орталығының ашылуы қалалық емханалардың амбулаториялық хирургиясын біріктіруге және мамандарға кезекті азайтуға мүмкіндік берді. 2023 жылы күндізгі хирургиялық орталық болып өзгертілді.

Науқастарға уақтылы жоғары білікті және мамандандырылған медициналық көмек көрсету мақсатында 2012 жылғы 10 шілдеден бастап әуе санитарлық авиакөлік жұмысы жанданды. 9 аудандық орталықтарында, Майқайын п. және Екібастұз қаласында  ұшып-қону алаңдары құрылды. 

2013 жылдың қазан айынан бастап шаруашылық есеп бөлімшесі ашылды, ол 2020 жылдың қыркүйегінде емдеу-диагностикалық бөлімше болып өзгертілді. Бөлімшеде пациенттер мемлекеттік тапсырыстан тыс ақылы негізде, сондай-ақ ТМККК және МӘМС шеңберінде қосымша сервистік қызметтер көрсеткені үшін ақы төленіп емделеді.

2014 жылы Ғ. Сұлтанов атындағы облыстық аурухана — бұл облыстың 4 жылға аккредиттелген жалғыз медициналық ұйымы, бұл пациент үшін қызмет көрсету сапасының, жайлылық пен қауіпсіздіктің жоғары стандартын айғақтайды.

2014 жылы Ұлттық бизнес-рейтинг нәтижелері бойынша республикада көпсалалы ауруханалар арасында бірінші орынды иеленді және 2012-2013 жылдардағы қаржы-экономикалық қызмет көрсеткіштерінің жиынтығы бойынша «Сала көшбасшысы 2014» медалімен марапатталды.

2017 жылы клиникалық хаттамаларға сәйкес созылмалы В, С, D вирустық гепатиттерін және олардың асқынуларын диагностикалау, тексеру және емдеу мәселелері бойынша мамандандырылған консультациялық медициналық көмек алатын облыстағы жалғыз гепатоорталық ашылды. Гепатоорталықтың басты міндеті — көрсетілімдер бойынша СВГ бар пациенттерді тегін дәрі-дәрмекпен қамтамасыз ету, вирусқа қарсы терапия режиміне мониторинг жүргізу және модификациялау.

Павлодар облысы әкімдігінің 2017 жылғы 14 шілдедегі «Павлодар облысының кейбір медициналық кәсіпорындарын қайта ұйымдастыру жөнінде шаралар қабылдау туралы» қаулысына сәйкес, Денсаулық сақтау басқармасының 2017 жылғы 18 шілдедегі бұйрығы негізінде ШЖҚ «Павлодар облыстық тері-венерологиялық диспансері» КМК ШЖҚ «Ғ. Сұлтанов атындағы Павлодар облыстық ауруханасы» КМК-не қосылу жолымен қайта ұйымдастырылды.

Павлодар облысы әкімдігінің 2018 жылғы 19 шілдедегі Павлодар облысының кейбір медициналық кәсіпорындарын қайта ұйымдастыру туралы қаулысына сәйкес ШЖҚ «Павлодар облыстық №1 перинаталдық орталығы» КМК ШЖҚ «Ғ.Сұлтанов атындағы Павлодар облыстық ауруханасы» КМК-ға қосылу жолымен қайта ұйымдастырылды.

2019 жылдан бастап травматология-ортопедия бөлімшесінде аяқ-қолдардың ірі буындарының аз жарақаттанған артроскопиясы, алдыңғы және артқы крест тәрізді байламдардың артроскопиялық пластикасы, түзеткіш остеотомия орындалады. 2022 жылдан бастап жоғары технологиялық медициналық көмек — аяқ-қолдардың ірі буындарын ревизиялық эндопротездеу енгізілді. Бөлімшеде аяқ сүйектеріне реконструктивтік операциялар жүргізіледі. Жабық блоктаушы интрамедулярлық және экстрамедулярлық остеосинтез операциялары заманауи импланттармен, жамбас пен тізе буындарының эндропротезімен, тізе буынындағы артроскопиялық операциялармен кеңінен қолданылады. Бөлімше құрамында ортопедиялық және травматологиялық операциялардан кейін қалпына келтіріп емдеу үшін оңалту төсектері табысты жұмыс істейді.

2019 жылы Функционалдық диагностика бөлімшесінде облыста алғаш рет орталық оттегімен және жасанды желдеткішпен жабдықталған бронхоскопия кабинеті ұйымдастырылды. Барлық жабдықтар фото- және бейне- түсірілімімен. Бауыр фиброзының дәрежесін инвазивті емес анықтау, вирустық гепатит және бауыр циррозы кезінде бауырдың өзгеруін диагностикалау үшін «FIBROSCAN -530» аппараты сатып алынды.

2020 жылдың қазан айында COVID-19-мен күресу үшін 20 төсектік реанимация бөлімшесінен, шағын операциялық бөлмеден, ПТР-талдау жүргізуге арналған зертханадан, экспресс-зертханадан, компьютерлік томография, рентгенография, ультрадыбыстық, электрокардиография және бронхоскопия кабинеттерінен тұратын 200 төсектік модульдік инфекциялық госпиталь пайдалануға берілді. Стационардың модульдік блоктарында орталықтандырылған оттегімен қамтамасыз етілген және жеке санитарлық тораптарымен екі орындық палаталар бар.

2022 жылы ШЖҚ «Ғ.Сұлтанов атындағы Павлодар облыстық ауруханасы» КМК Қазақстанның денсаулық сақтау саласын дамытуға қосқан үлесі үшін рейтинг қорытындысы бойынша «Денсаулық сақтау мақтанышы 2022» құрметті атағымен марапатталды.

2022 жылдың желтоқсанында аурухана 3 жылға аккредиттелді, бұл пациенттің қызмет сапасының, жайлылығының және қауіпсіздігінің жоғары стандартын көрсетеді.

2023 жылдың қараша айында ревматологиялық орталық ашылды. Орталықтың ашылуы өңірдегі ревматологиялық науқастарды қамтуды, диагностикалауды және емдеуді жақсартуға мүмкіндік береді. Орталықтың құрылымында — консультациялық-диагностикалық көмек көрсетуге арналған ревматолог кабинеті, гендік — инженерлік биологиялық терапия кабинеті (ГИБТ), буынішілік манипуляциялар кабинеті, сондай-ақ тәулік бойы стационардың 30 төсегі және күндізгі болатын 10 төсегі бар.

Бүгінгі таңда халыққа емдеу-диагностикалық процесті аурухананың 3 құрылымдық бөлімшесі көрсетеді: консультациялық-диагностикалық емхана, көпсалалы стационар, инфекциялық орталық

Консультациялық-диагностикалық көмек емханамен, тері-венерологиялық орталықпен, клиникалық-диагностикалық зертханамен, функционалдық диагностика және емдеу-диагностикалық эндоскопия бөлімшелерімен, гепатоорталықпен, репродуктивті денсаулық және пренаталдық диагностика орталығымен көрсетіледі. 17 мамандық бойынша дәрігерлер қабылдау жүргізеді (травматолог, хирург, гематолог, эндокринолог, офтальмолог, невропатолог, пульмонолог, ревматолог, гастроэнтеролог, кардиолог, акушер-гинеколог-репродуктолог, отоларинголог, сурдолог, уролог, уролог-андролог- репродуктолог, генетик, гепатолог-инфекционист). 

Күн сайын офтальмологтарда 250-ге жуық консультациялық-диагностикалық қызмет көрсетіледі: көру өткірлігін зерттеу, гониоскопия, периметрия, тонометрия, Нестеров тонографиясы, скиаскопия, тікелей және жанама офтальмоскопия, диафаноскопия, ішкі қабықтардың күйін анықтау үшін көздің ультрадыбыстық зерттеуі, көздің патологиялық өзгерістері, циклоскопия, оптикалық когерентті томография.

Емдеу-диагностикалық эндоскопия бөлімшесі қазіргі заманғы жабдықтармен жабдықталған облыстағы ең ірі эндоскопиялық бөлімшелердің бірі болып табылады. Бөлімшенің міндетіне диагностикалық және емдік аз инвазивті гастроэнтерологиялық, пульмонологиялық хирургиялық көмек көрсету кіреді. Бөлімшенің басым бағыттары ісікке дейінгі жағдайларды ерте сатысында анықтау, аз инвазивті хирургия, колоректальды қатерлі ісік скринингі және басқа да заманауи бағыттар болып табылады. Соңғы жылдары операциялар енгізілді: өңештің варикозды-кеңейтілген тамырларын байлау, шырышты резекция әдісімен асқазан-ішек жолдарының қатерсіз түзілімдерін жою, эндоскопиялық ретроградты холангиопанкреатография (ЭРХПГ), папиллосфинктеротомия, литоэкстракция, гепатибиларлы аймақтың ісік зақымдануларында өт жолдарын стенттеу.

Облыстың дерматовенерологиялық қызметі бүкіл облыс тұрғындарына консультациялық, стационарлық және стационарды алмастыратын мамандандырылған көмек көрсететін тері-венерологиялық орталығымен үйлестіріледі.

327 төсекке арналған 12 клиникалық бөлімшесі бар (гематология, гинекология, дерматовенерология, офтальмология, оториноларингология, неврология, травматология – ортопедия бөлімшесі, ревматологиялық орталық, гастроэнтерологиялық төсектері бар І терапия бөлімшесі, кардиологиялық төсектері бар ІІ терапия бөлімшесі, урология, хирургия, күндізгі хирургиялық стационар) тәулік бойы көп бейінді стационар тәулік бойы және стационарды алмастыратын көмек көрсетеді.

Гематология бөлімшесі.   Гематолог дәрігерлер гемофилиямен ауыратын науқастарды эндопротездеуге, ал онкогематологиялық науқастарды Астана қаласының Ұлттық гематологиялық орталығында сүйек кемігін аутотрансплантациялауға дайындайды. Стационар жағдайында 2021 жылдан бастап созылмалы миелопролиферативті аурулары бар науқастарға диагностика кеңінен жүргізілуде. Генетикалық зерттеулерге сүйек кемігін цитологиялық және гистологиялық зерттеу ұйымдастырылды. FISH әдісімен сүйек кемігін стандартты цитогенетика және генетикалық зерттеу Нұр-сұлтан, Мәскеу және Санкт-Петербург қалаларындағы диагностикалық орталықтарда жүргізіледі. Зерттеудің бұл түрлері ТМККК және МӘМС шеңберінде тегін жүргізіледі. Пациент жүргізілген зерттеулер бойынша толық ақпарат алады және одан әрі мамандандырылған мақсатты терапия алады.

Гинекология бөлімшесі. Хирургиялық араласудың барлық түрлері лапароскопиялық, гистероскопиялық, лапаротомиялық және вагинальды тәсілдермен жүзеге асырылады. Бөлімшенің операциялық залы ең заманауи жабдықтармен жабдықталған: «KARL STORS-ENDOSKOP» фирмасының эндоскопиялық операцияларын жүргізуге арналған эндовидеокешені және гистерорезектоскоп. Жыныс пролапсы кезінде торлы импланттарды орнатуды енгізу үшін дәрігерлер Стамбулдың жетекші клиникаларында білім алып, Алматы репродуктивті медицина институтының профессорынан мастер-класс алды. Ауруханаға жатқызу және оңалту кезеңдерін, асқыну жиілігін азайту және косметикалық әсер ету үшін аз инвазивті эндоскопиялық операциялар қолданылады. Аз жарақаттану қол жетімділіктің арқасында аурулардың диагностикасы жақсарды және ағзаны сақтау операцияларын жүргізуге болады. 

Неврология бөлімшесі. Бөлімшенің негізгі бағыты — әртүрлі ауырлық дәрежесіндегі жүйке жүйесінің ауруларын диагностикалау және емдеу: ми мен жұлынның, сондай-ақ перифериялық жүйке жүйесінің бұзылыстары.

2020 жылы инфузоматтың пайда болуымен жүйке жүйесінің үдемелі зақымдануы – склероз, жүйке-бұлшықет аппаратының созылмалы зақымдануы – миастениясы бар науқастар мамандардың көмегіне сене алады. Мұндай пациенттерге иммуномодуляциялық препараттармен, рекомбинантты моноклоналды антиденелермен патогенетикалық емдеу жүргізіледі.

Офтальмология бөлімшесі. Офтальмологиялық көмек көрсетудің кең спектрі отандық және шетелдік институттарда білім алған жоғары мамандандырылған мамандардың арқасында жүзеге асырылады. Заманауи жоғары технологиялық жабдықтармен жабдықтауға көп көңіл бөлінеді. Көздің микрохирургиялық операцияларының спектрі кең және мыналарды қамтиды: ИОЛ имплантациясымен катарактаның факоэмульсификациясы, оның ішінде көзбұршақтың таюы; лазерлік коагуляциямен торлы қабықтың бөлінуіне арналған витрэктомия түріндегі витреоретинальды хирургия; кез келген күрделіліктегі глаукомаға арналған операциялар; реконструктивті хирургия; анти-VEGF интравитреальды инъекциялар; екіншілік катарактаның лазерлік дисцизиясы; лазерлік иридэктомия; көздің алдыңғы және артқы бөлігінің лазерлік хирургиясы (лазерлік коагуляция); лазерлік трабекулопластика; көздің қосымша аппаратының амбулаториялық хирургиясы (блефаропластика, дакриоцисториностомия және т.б.); көру қабілетін лазерлік түзету; көз алмасы мен қосымша аппараттың ауыр жарақаттары кезінде шұғыл микрохирургия.

Оториноларинология бөлімшесі – облыстағы жалғыз бөлімше. Құлақ, тамақ және мұрын ауруларына арналған аз инвазивті оториноларингологиялық операциялар мен манипуляциялар заманауи эндовидеоаппаратура мен операциялық микроскопты қолдану арқылы жүзеге асырылады. Есту қабілетін жақсарту операциялары, клипсті протезді қолдана отырып, сүйектөсті ауыстыру стапедэктомиясы, ортаңғы құлаққа санациялық операциядан кейін құлақ арнасын қалпына келтіру — бұл операциялардың барлығын күнделікті шұғыл көмекпен қатар дәрігерлер жоғары кәсіби деңгейде орындайды.

Гастроэнтерологиялық төсектері бар I терапия бөлімшесі. Тыныс алу органдарының, асқазан-ішек жолдарының аурулары, аллергиялық аурулары бар әрбір пациентті емдеу қазіргі заманғы ұсынымдар мен хаттамаларға сәйкес жүргізіледі. Бөлімшеде пациенттерді толық тексеру, диагнозды нақтылау және терапияны таңдау үшін барлық мүмкіндіктер бар, 20 төсек-орынға есептелген, оның ішінде 5 гастроэнтерологиялық төсек-орын.

Кардиологиялық төсектері бар II терапия бөлімшесі жоспарлы медициналық көмек, басқа бөлімшелердің дәрігерлеріне консультациялық көмек көрсетеді, жүрек-қан тамырлары ауруларының алдын алу, диагностикалау және емдеудің барлық спектрін орындайды, 20 төсек-орынға есептелген, оның ішінде соғыс ардагерлері мен оларға теңестірілген адамдарға арналған 5 төсек-орын.  

Травматология-ортопедия бөлімшесі. Тізе және жамбас буындарын эндопротездеу – бөлімшенің негізгі хирургиялық араласуларының бірі. Аяқ-қолдардың үлкен буындарының жеңіл жарақаттанған артроскопиясы, алдыңғы және артқы крест тәрізді байламдардың артроскопиялық пластикасы, түзету остеотомиясы қолданылады. 2022 жылдан бастап жоғары технологиялық медициналық көмек енгізілді — аяқ-қолдардың ірі буындарын ревизиялық эндопротездеу. Аяқ сүйектеріне реконструктивті операциялар жасалады.

Ревматологиялық орталық. Пациенттер ревматологиялық ауруларды диагностикалау, тексеру және емдеу мәселелерінде мамандандырылған консультациялық медициналық көмек алады. Сонымен қатар, ревматологиялық орталықтың құрамына гендік — инженерлік биологиялық терапия үшін пациенттерді таңдауға арналған мультидисциплинарлық топ кіреді.

Хирургия бөлімшесі. Хирургиялық емдеудің эндовидеоскопиялық әдістері, аз инвазивті хирургия және басқа да заманауи бағыттар басым бағыттар болып табылады. Бөлімшенің барлық дәрігерлері іш қуысы мүшелеріне, эндокриндік органдарға (қалқанша безі, бүйрек үсті бездері), іріңді-септикалық ауруларға, кеуде мүшелерінің жарақаттарына және зақымдарына хирургиялық араласудың кең ауқымына ие. Жыл сайын 1500-ден астам операция жасалады. Эндокриндік хирургияның дамуына байланысты бүйрек үсті безінің аденомасын лапароскопиялық алып тастау, проктологиялық операциялар сәтті жүргізілуде. Хирургиялық бөлімшедегі барлық хирургиялық араласулардың 72%-ы аз инвазивті технологияны қолдану арқылы жүзеге асырылады. Лапароскопиялық адреналэктомия енгізілді: бүйрек үсті безінің қатерсіз ісіктерін жою. Аурухана хирургтары түйіндік және диффузды-токсикалық зобқа аз инвазивті операция жасау әдісін сәтті енгізді. Түркияда тағылымдамадан өткеннен кейін операциялық қызметтегі заманауи технологиялардың бірі – бұл құралды іш қуысына енгізбестен жалпы экстраперитонеальді пластика. Барлық манипуляциялар ішперделік талшықта жүзеге асырылады, сондықтан ішкі ағзалардың зақымдану қаупі және жабыспалар пайда болмайды. Бауыршеттің өңеш тесігінің грыжасы кезінде лапароскопиялық фундопликация енгізілді.               

Урология бөлімшесі. Бөлімшеде эндоскопиялық және рентгенурологиялық тексерулердің барлық түрлері, Dornier Medilas, Karl Storz, Olympus фирмаларының заманауи жабдықтарында несеп-жыныс жүйесі органдарында ашық және эндоскопиялық операциялар жүргізіледі. Операциялардың 70%-ы аз инвазивті әдістермен жүзеге асырылады. Контактілі лазерлік литотрипсия және несеп жолдарының құрылымдары мен ісіктеріне, қуық асты безінің эндоскопиялық ТУР аденомасына қатысты аз инвазивті лазерлік операциялар енгізілді, бүйрек тастарын лазерлік жою жүргізіледі. Несеп жолдарының тастары кезінде урологтар лазерлік жабдықта конкременттердің байланыс-лазерлік литотрипсиясын сәтті орындайды. Жаңа медициналық лазерлік жүйе аз инвазивті эндоскопиялық операцияларда қолданылады, онда кез-келген локализация арқылы тасқа қол жеткізу табиғи зәр шығару жолдары арқылы жүзеге асырылады. Қуық асты безінің гиперплазиясы, қуық ісіктері бойынша эндоскопиялық трансуретральды резекциялар кеңінен қолданылады. Лапароскопиялық операциялар іш қабырғасының тесілуі арқылы бүйректің кисталық аурулары мен гидронефроздарға жасалады. Барлық операцияларда заманауи жоғары технологиялық жабдықтар қолданылады.

Инфекциялық орталық COVID-19-ға қарсы күрес бағдарламасы бойынша салынған модульдік инфекциялық аурулар госпиталінде орналасқан, инфекциялық аурулар кезінде сапалы және қолжетімді медициналық көмек көрсету үшін барлық қажетті заманауи жабдықтармен жабдықталған. Қазіргі уақытта жалпы инфекция бөлімшесі қарқынды терапия палатасы бар 40 төсекке арналған. Пандемия аяқталғаннан кейін бөлімшенің нозология құрылымына бактериялық және вирустық ішек аурулары, қызылша, жіті респираторлық вирустық инфекциялар, менингиттер, маусымдық инфекциялар, зооноздар, желшешек жатады.

Қазіргі заманғы медицинадағы басты басымдықтардың бірі сапалы және қолжетімді медициналық қызметтер болып табылады және бұл үшін біздің қызметкерлер жыл сайын Қазақстанда ғана емес, сонымен қатар жақын және алыс шет елдерде (Израиль, Түркия, Чехия, Латвия, Оңтүстік Корея, Ресей, Беларусь) оқиды. Біздің бөлімше базасында Қазақстан және жақын шетел мамандарының қатысуымен шеберлік сыныптары өткізіледі. Жыл сайын дәрігерлер мен орта медициналық персонал өз біліктілігін арттырады, республикалық және халықаралық конференциялар мен конгрестерге қатысады. Облыстық аурухананың дәрігерлері Павлодар облысының халқы мен медициналық ұйымдарына әдістемелік, ғылыми-практикалық, консультациялық-диагностикалық көмек көрсетеді.

Қойылған мақсаттарға қол жеткізу үшін – медициналық көмектің сапасын жақсарту және қолжетімділігін арттыру үшін Ғ.Сұлтанов атындағы Павлодар облыстық ауруханасының ұжымы күнделікті тәжірибеге жаңа технологияларды енгізу бойынша тұрақты жұмыс жүргізуде. Дәрігерлер мен орта медицина қызметкерлерінің 100%-ы атқаратын лауазымына сәйкес және қоса атқаратын лауазымдары бойынша маман сертификаттары бар.

Аурухананың кадрлық құрамы — жоғары білікті мамандар:

-Дәрігерлердің 67%-ы және орта медициналық қызметкерлердің 77% -ы біліктілік санаттарына ие;

— төрт дәрігер медицина ғылымдарының кандидаты дәрежесіне ие: Мұсабеков А.Т., Садықов Н.М., Тлеубаев К.А., Байсекенова Г.В., 1 PhD докторы — Таштемиров К. К.

— облыстық аурухананың 14 докторы Павлодар облысы Денсаулық сақтау басқармасының штаттан тыс мамандары болып табылады.