Медицина қызметкерлерінің күні – мерекелік іс-шаралар күнтізбесіндегі ерекше күн, өйткені біз ең құнды – жақындарының, туыстарының өмірі мен денсаулығын сеніп тапсыратын ең маңызды және асыл мамандық иелерін құттықтаймыз.

2022 жылғы 16 маусымда медицина қызметкерлері күнін мерекелеу аясында Естай атындағы мәдениет сарайының сахнасында Павлодар облысының медицина қызметкерлеріне құрмет көрсетілді.

Облыс әкімі Әбілқайыр Сқақов медицина қызметкерлерін кәсіби мерекелерімен құттықтап, денсаулық сақтау саласының барлық қызметкерлеріне алғысын білдіріп, облыс тұрғындарының өмірін құтқару мен денсаулығын сақтауда сәттілік тіледі.

Осы мереке күні Ғ.Сұлтанов атындағы Павлодар облыстық ауруханасының үздік дәрігерлері «Денсаулық сақтау ісінің үздігі» төсбелгісімен марапатталды:

1.Садыков Нариман Маратович – урологиялық бөлімшесінің меңгерушісі.
2.Попов Георгий Клавдиевич – анестезиолог дәрігері.
3.Кайдарова Гульжанат Уахиденовна – акушер-гинеколог дәрігері.
4.Зуев Станислав Юрьевич – анестезиолог дәрігері.

«Өмір сыйлайтын қолдар» конкурсының номинациясында перинаталдық орталығының неонатолог дәрігері Забудская Евгения Николаевна жеңімпаз болып танылды.

Әріптестерімізді лайықты марапаттарымен құттықтаймыз!

Денсаулық, табыс, өмірде амандық және ұзақ, ұзақ кәсіби қызмет тілейміз!