Қазақстан Республикасы Денсаулық сақтау министрінің бұйрығымен
дерматовенерологиялық көмек көрсетуді ұйымдастырудың жаңартылған стандарты бекітілді.
Бұл Стандарт Қазақстан Республикасында дерматовенерологиялық көмекті ұйымдастыруға қойылатын жалпы қағидаттар мен талаптарды белгілейді.
Дерматовенерологиялық көмек көрсетуді ұйымдастыру тәртібі Халық денсаулығы туралы Кодекске сәйкес медициналық көмектің шарттарына, нысандарына сәйкес баяндалған.
Жаңалық ретінде үйде, шұғыл және жоспарлы түрде дерматовенерологиялық көмек көрсету бойынша бөлімдер енгізілген.
Жаңа стандартта штат саны, дерматовенерологиялық көмек көрсететін денсаулық сақтау ұйымдарын жарақтандыру көзделген.
Тері-венерологиялық орталықтың құрылымы енгізілді, сондай-ақ дерматовенерологиялық ауруларды анықтау, тіркеу және есепке алу тәртібі, әйелдер мен жаңа туған нәрестелердің ЖЖБИ проыилактикасы, диагностикалау, тіркеу ерекшеліктері бойынша тараулар енгізілді.