«Ана үйі» қайырымдылық жобасының аясында 2019 жылдың қазанының 3-і Ғ. Сұлтанов атындағы Павлодар облыстық ауруханасының перинаталды орталығының қызметкерлері — бас дәрігердің балалармен жұмыс жөніндегі орынбасары А.Г.Капанова, салауатты өмір салтын үйлестіруші Т.А. Наскенова, психолог Н.Ш.Кайдарова, босанғаннан кейінгі бөлімнің аға акушері Т.В.Коваленко осы үйге барды. Жылы үй жағдайында біз әлеуметтік көмек алатын, қиын өмірлік жағдайға тап болған және әлеуметтік және қаржылық қиындықтарға байланысты баладан бас тартуға барған әйелдерді кездестірдік.

          «Ана үйі» қоғамдық қорының үйлестірушісі Асель Абишева жобада тұрған 1,5 жасқа дейінгі балалары бар әйелдердің өмір сүру жағдайлары туралы айтып берді, әйелдер қаласа, қор есебінен толықтай қаржыландырылып, Ана үйінде тұрып, өз мамандықтары бойынша тегін оқытылып, жұмыс таба алады.
Бүгінгі таңда Ана үйінде 11 әйел мен 12 бала тұрады. Жобаның 5 жыл жұмыс ішінде біздің облыстың балалары бар 122 әйелге көмек көрсетілді