Ғ. Сұлтанов атындағы облыстық ауруханасында General Electric америкалық компаниясы өндірген премиум санаттағы остеоденситометр аппараты орнатылды.
Денситометрия – бұл сүйектінінің тығыздығын және сынықтар қаупін диагностикалау әдісі. Бұл талдау арқылы кальций деңгейі, жалпы тығыздық және құрылым, сүйектің беткі қабатының қалыңдығы өлшенеді. Осы зерттеу арқылы остеопорозды ерте кезеңде анықтап, уақытында емдеуге бастауға болады. Аппарат сенсоры жатқызылған адам денесінің белгілі бір аймағын сканерлейді. Зерттеу тез жүргізіледі 5-15 минуттан аспайды. Бұл құрылғының артықшылығы – сүйек тығыздығын сандық сипаттамаларды өлшеу. Ал қарапайым рентгенде тек сурет қана шығарылады.
Денситометрия қашан қажет?
Дәрігер бұл зерттеуді келесі белгілер байқалған жағдайда тағайындайды: сүйек сынуының жиілеуі, әсіресе сан сүйектерінің сынуы, омыртқаға қатысты сыну мен шығыстар, себебі белгісіз арқадағы үнемі ауырулар, асқазан-ішек жолдары, бүйрек, бауыр аурулары, қант диабеті.
Сонымен қатар, денситометрияны бірнеше аурулар кезінде жүргізу ұсынылады: кальций мен фосфордың ағзадан шығуымен байланысты метаболикалық бұзылыстар, жүйке аурулары, ұзақ мерзімді гормондық ем, бұрын диагноз қойылған остеопороз, эндокриндік жүйенің бұзылулары.
Профилактикалық мақсаттарда бұл зерттеу остеопорозды емдеу барысын бақылау немесе 40 жастан асқан адамдардың сүйек тіндерінің жағдайын профилактикалық тексеру үшін қолданылуы мүмкін.

Лицензия 00986 DS