2019 жылғы 16 -17 қыркүйекте ШЖҚ «Г. Сұлтанов атындағы Павлодар облыстық ауруханасы»  КМК перинаталдық орталығының МӘМС енгізу бойынша ақпараттық-түсіндіру жұмыстарын жүргізу тобының мүшелері Павлодар жоғары басқару  колледжі мен  №28 орта білім беру мектебіне барды.

Сапар барысында МӘМС жағдайында халыққа көрсетілетін медициналық көмектің мерзімдері, шарттары бойынша ақпараттық — түсіндіру жұмыстары жүргізілді. Ұжымға 16 қыркүйек пен 16 қараша аралығында алғашқы медициналық-санитарлық көмек көрсететін денсаулық сақтау ұйымдарына бекіту науқаны басталатынын еске салды.

Міндетті әлеуметтік медициналық сақтандыруға қатысты барлық сұрақтарға жауап берілді.