Бұл тақырып аймақтық денсаулық сақтау ұйымдарының мейірбике ісі мамандарына арналған оқыту семинарының басты тақырыбы болды. Ол 2026 жылдың 29 маусымында Ғ. Сұлтанов атындағы Павлодар облыстық ауруханасында Қазақстан Республикасы Президенті Әкімшілігінің Медициналық орталығы күндері аясында өтті.
Кездесу барысында қатысушылар клиникалық жағдайларды талдап, пациенттердің қауіпсіздігін қамтамасыз етудің заманауи тәсілдерін талқылады. Мейірбике қызметкерлерінің кәсіби құзыреттіліктерін кеңейтуге, сондай-ақ инфекцияның алдын алуға және бақылауға ерекше назар аударылды.
Мейірбикелер пациенттер үшін қауіпсіз орта жасауда маңызды рөл атқаратыны атап өтілді. Медициналық көмектің сапасы, пациенттердің қауіпсіздігі және инфекция қаупін азайту көбінесе медбике қызметкерлерінің кәсібилігіне, клиникалық хаттамаларды сақтауға және инфекция қауіпсіздігі стандарттарына байланысты.

Лицензия 00986 DS