Медициналық сақтандыру қоры 2018 жылдың 1 қаңтарынан бастап «Халық денсаулығы және денсаулық сақтау жүйесі туралы» кодекске енгізілген түзетулер күшіне енді, енді Қазақстан Республикасының аумағында тұрақты тұратын шетел азаматтары мен азаматтығы жоқ адамдар тегін медициналық көмектің кепілді көлемі шеңберінде медициналық көмекті Қазақстан азаматтарымен тең дәрежеде ала алады.

Қазақстанда тұрып жатқан (тұруға рұқсаты бар) тұрақты тұратын шетелдіктер мен азаматтығы жоқ адамдар Қазақстан Республикасының азаматтары сяиықты емханаларға тіркелуге жатады.

            Қазақстан Республикасының аумағында тұрақты тұрғындардың мәртебесі бар адамдар емхананы таңдау туралы шешім қабылдауы керек, таңдалған емханаға келіп, еркін нысанда тіркелу туралы өтініш жазу керек. Олар тіркемеден бас тартуға құқылы емес.

Павлодар облысындағы «Әлеуметтік медициналық сақтандыру қоры» филиалының директоры Н.К. Касымовтың айтуынша: «Павлодар облысында 29 емдеу мекемесі бар, оның ішінде 9 жеке меншік. Емхана қызметін көрсететін медициналық ұйымдардың толық тізімі Қордың веб-сайтында — fms.kz.орналасқан».

Көші-қон қызметінің мәліметі бойынша, Павлодар облысында алты мыңнан астам шетелдік азаматтар мен азаматтығы жоқ адамдар бар. Қазіргі уақытта Қазақстанда тұрақты тұратын мыңдаған шетелдік азаматтар мен азаматтығы жоқ адамдар емханаға тіркеуге құқылы.

Қосымша ақпаратты Қордың веб-сайтынан таба аласыз — fms.kz, Facebook әлеуметтік желілерінде, instagram — @ fms.kz.

«Әлеуметтік медициналық

сақтандыру қоры» КЕАҚ

Павлодар облысы бойынша

филиалының директоры

Н. Қасымов