Коронавирустық инфекцияны таратпау жөніндегі ведомствоаралық комиссияның отырысында ҚР Денсаулық сақтау министрі Ажар Ғиният елдегі эпидемиологиялық жағдайдың тұрақтануына байланысты ведомство шектеу шараларын одан әрі алып тастауды ұсынып отырғанын хабарлады.
Осылайша, Денсаулық сақтау министрлігі КВИ-ға қарсы шектеу шараларының мынадай жеңілдіктеріне бастамашылық етеді: үй-жайларда маскаларды міндетті түрде киюді жою; білім беру ұйымдарында кабинеттік оқыту жүйесіне рұқсат беру, сондай-ақ мемлекеттік органдарға, сауда, қоғамдық тамақтану объектілеріне және т. б. санэпид режимін сақтау жөніндегі ерекше талаптарды жою.
Бірақ бұл ретте медициналық ұйымдарда бетперде режимін сақтау бойынша талаптар сақталады.
Медициналық маскаларды халық көп жиналатын жерлерде, қоғамдық көлікте, ұйымдасқан ұжымдарда кию ұсынылады.
Иммундау қарқынына қатысты министр вакцинациялауға жататын ересек халықтың бірінші компонентімен қамтылуы 82,9% – ды, жалпы халықтың 54,5% – ын, екінші компонентімен жалпы халықтың 80,1% — ын және 52% — ын құрағанын хабарлады.
Өз кезегінде ревакцинацияны 3, 153 млн адам немесе тиісті халықтың 56,3% алды.
Халықты алғашқы вакцинациялау және ревакцинациялау үшін ҚР-да қолданылатын вакциналардың барлық түрлерін (QazVac, Sinopharm, Pfizer) пайдалануға жол беріледі.