ҚР Бас санитарлық дәрігері парламентке кандидаттарды ұсыну кезеңіне бірқатар ұсыныстар берді

25.01.2023

ОСК отырысында ҚР Бас санитариялық дәрігері — Денсаулық сақтау вице-министрі Айжан Есмағамбетова республикадағы эпидемиологиялық жағдай және Қазақстан Республикасы Парламентінің Мәжілісі мен мәслихаттарының депутаттығына кандидаттарды ұсыну кезінде коронавирус инфекциясының, тұмаудың және ЖРВИ таралуының алдын алу шаралары туралы хабардар етті.

«Республикада коронавирус инфекциясы бойынша эпидемиологиялық жағдай тұрақты. Соңғы екі аптада аурудың төмендеуі байқалды. Тәулігіне оң ПТР нәтижесі бар 120-ға дейін COVID-19 жағдайы және теріс ПТР нәтижесі бар 10-ға дейін COVID-19 жағдайы тіркеледі. Соңғы аптада өткен аптамен салыстырғанда сырқаттанушылық 1,7 есе төмендеді. Эпидемиологиялық жағдайды бағалау матрицасына сәйкес республика және барлық өңірлер жасыл аймақта», — деді А. Есмағамбетова.

Сонымен қатар, ҚР Бас санитариялық дәрігері атап өткендей, Шымкент, Алматы, Атырау, ШҚО, Қарағанды, Қостанай, Маңғыстау облыстары секілді 7 өңірде R көрсеткіші бірліктен жоғары. Осыған байланысты, А.Есмағамбетова R көрсеткішін 1-ден жоғары тіркеу кезінде БМСД қаулысына сәйкес халық көп жиналатын жерлерде маска кию ұсынылатынын еске салды.

Сонымен қатар, вице-министрдің айтуынша, қазіргі уақытта ЖРВИ-мен, тұмаумен сырқаттанушылықтың маусымдық өсуі жалғасуда. Эпидемиялық маусым басталғаннан бері (2022 жылдың 1 қазанынан бастап) ЖРВИ-дің 2,9 млн жағдайы және тұмаудың 3 009 жағдайы тіркелді.

Республикадағы коронавирус инфекциясы бойынша ағымдағы жағдайды, сондай-ақ ЖРВИ және тұмаумен сырқаттанушылық бойынша эпидемиологиялық маусымның барысын ескере отырып, А.Есмағамбетова кандидаттарды ұсыну кезінде бірқатар ұсыныстар берді.

Бұл науқанды өткізу кезінде кең үй-жайларды пайдалану, үй-жайларда желдету/ауаны баптау жүйесінің үздіксіз жұмыс істеуін орнату, R көрсеткіші бірліктен жоғары өңірлерде маска режимін сақтау болып табылады.

Accessibility